ශී්ර ලංකාවේදී ඇන්ටන් චෙකෝෆ්ගේ පිළිරුවක් විවෘත වෙයි!
රුසියන් ජාතික ශේ්රෂ්ඨ ගත්කතුවර ඇන්ටන් චෙකෝෆ් මහතාගේ ලංකාගමනයට වසර 120ක් සැපිරීම නිමිති කොට ගෙන ඔහු ශී්ර ලංකාවට පැමිණ නවතැන් ගත් කොළඹ ග්රෑන්ඞ් ඔරියන්ටල් හෝටලයේදී පසුගියදා විශේෂ සැමරුම් උත්සවයක් සංවිධානය කොට තිබිණි. ඇන්ටන් චෙකෝෆ් මහතාගේ ලංකාගමනය සිදු වූයේ 1890 නොවැම්බර් 12 වැනිදාය.
එහිදී ඇන්ටන් චෙකෝෆ් මහතාගේ පිළිරුවක්ද ග්රෑන්ඞ් ඔරියන්ටල් හෝටලයේදී විවෘත විය. මෙම අවස්ථාවට ප්රධාන ආරාධිතයා ලෙස ශී්ර ලංකාවේ රුසියානු තානාපති ව්ලැදිමීර් මිහයිලොව් මහතා එක්ව සිටි අතර ප්රතිමාව නිර්මාණය කළ රුසියානු ජාතික ප්රවීණ ප්රතිමා ශිල්පි කතයොවුස්කි මහතාද සහභාගි විය.
මෙම ඇන්ටන් චෙකොෆ් සමරුම් උත්සවයට විශේෂ ආරාධිතයෝ ලෙස ජාතික නිදහස් පෙරමුණේ නායක, ඉදිකිරීම්, ඉංජිනේරු සේවා, නිවාස හා පොදු පහසුකම් අමාත්ය විමල් වීරවංශ, ශී්ර ලංකා රුසියානු මිත්රත්ව සංගමයේ සභාපති, ඛනිජ සම්පත් සංවර්ධන අමාත්ය සුසිල් පේ්රමජයන්ත, ඉදිකිරීම්, ඉංජිනේරු සේවා, නිවාස හා පොදු පහසුකම් අමාත්යවරයාගේ විදේශ කටයුතු පිළිබඳ උපදේශක ජගත් චන්ද්රවංශ යන මහත්වරුද එක්ව සිටියහ.
